image

Witajće k nam

Lubi pacienća, přiwuzni a wopytowarjo,

Łužiska jězorina njeje jenož bohata na jězorach a wodźiznach, ale tež dwurěčnosć wobohaća Łužicu a nima swojeho runjeća. Tež my witamy Serbow wutrobnje w našej chorowni.

W srjedźišću našeho dźěła steji zastaranje pacientow z regiona. Rěče su kluče a tež w hojenju chorosćow přinošuje dorozumjenje w maćeršćinje. W 14 fachowych wotrjadach a třoch institutach dźěła w našej chorowni něhdźe 800 ludźi wšelakoreho pochada. Woni rěča w dohromady 24 wšelakorych rěčach. Tež wjacori Serbja su pola naš přistajeni. So w maćeršćinje dorozumić, wosebje w nuzowym padźe, wolóža situaciju.

Skrótka hišće k našej chorowni. Z lěta 2002 wuwučuja so tež studowacy na TU Drježdźany w našej chorowni. Wob lěto hojimy wjace hač 22.000 pacientow stacionarnje a něhdźe 38.000 pacientow ambulantnje. Tež wo mediciniski personal so postaramy. Na chorownju přizamknjena je mediciniska powołanska šula, hdźež su lětnje 75 městnow za wukubłanje k hladarjej k dispoziciji. Jako njezbožowa chorownja mamy swójske přizemišćo za wuchowanske helikoptery. Po Sakskim etaće za chorownje steja w našej chorowni dohromady 440 łožow k dispoziciji. W cyłym koncernje dźěła wjac hač 1.000 sobudźěłaćerjow za Klinikum Łužiska jězorina tzwr.

Prošu wobroćće so na našich hladarjow, přejeće-li sej serbskorěčny přebytk. Spytamy Wam to po našich móžnosćach zmóžnić. Nimo lěkarjow a hladarjow mamy w našej chorowni tež dalšich narěčenskich partnerow. Na přikład steji Wam dušepastyrska słužba abo tež čestnohamtska wopytowarska słužba “Zelenych knjenjow a knjezow” po boku.

Přejemy Wam přijomny přebytk,
Waš Klinikum Łužiska jězorina

Klinikum Łužiska jězorina tzwr

Dróha Marje Grólmusec 10
02977 Wojerecy