Naša žónska klinika dźěła wusko hromadźe z praktiskimi lěkarkami a lěkarjemi gynekologije a ma narok, być kompetentny partner za pacientki a lěkarjow. Staramy so wo žónske daloko nad regionom našeje zamołwitosće a smy wšón čas přihotowani, pomhać. Zastaramy naše pacientki po aktualnych směrnicach a standardach a přiměrjamy zastaranje stajnje aktualnym wuměnjenjam.
W běhu kóždeho lěkowanja so wjacore razy z pacientkami dorěčimy a na próstwu tež z přiwuznymi. Hromadźe z nimi nastajimy na wosobu wusměrjene terapijowe plany, kotrež wosobinske potrjeby a přeća wobkedźbuja. W padźe wosebitych prašenjow dźěłamy z fachowcami druhich fachowych wobłukow zhromadnje. Při strašnych schorjenjach so wšitke nadrobnosće wjacore razy na mjezy disciplinarnej tumorowej konferency wuradźuja, zo bychu so wšitke relewantne aspekty a móžnosće wobkedźbowali. Za diagnostiku mamy jara moderne, wuprajiwe naprawy kaž na přikład wysoko rozpušćace ultrazwukowe nastroje z techniku 3D, konwencionalny röntgen, kompjuterowu tomografiju (CT), magnetorezonancnu tomografiju (MRT), digitalnu mamografiju, stereotaktiski nastroj za biopsiju nadrow z wakuumom, swójski histologiski labor, wšelake naprawy endoskopije a mnoho dalšeho.
W našim mjezy disciplinarnym nadrowym srjedźišću přewjedujemy diagnozy, operacije, zastaranje a dalše lěkowanje za žony ze strašnymi schorjenjemi jara wobšěrnje, kompleksnje a po najnowšich dopóznaćach. Při operacijach nałožujemy techniki, kotrež zmóžnjeja zachować nadra, bjez toho zo so onkologiska wěstosć wohroža. To poradźi so nam w 85 procentach padow. Radikalne wotstronjenje lymfowych sukow ze wšitkimi njepřijomnymi sćěhami je potom jenož hišće w jednotliwych padach trěbne.