Naša pomoc při porodźe je wosebje na swójbu wusměrjena a so wot přichodnych staršich a babow aktiwnje sobu postaja. Za wěstosć maćerje a dźěsća dźěłamy z našej kliniku za dźěćacu a młodźinsku medicinu a dalšimi fachowymi disciplinami wusko hromadźe, tak zo móžemy zaměrnje tež riskantne samodruhosće a dočasne porody wobšěrnje zastarać. Při tym prócujemy so, tak mało kaž móžno do přirodnych wotběhow zapřimnyć a smy hakle potom aktiwni, hdyž je to nuznje trěbne. Při porodach dohladujemy normalne wotběhi zdźeržliwje, staramy so wo mać, wolóžamy jej bolosće a pomhamy, zo dźěćo wěsće a strowe porodźi.
Za to mamy wjacore komplementarne zastaranske naprawy k dispoziciji; hdyž je trěbne, zasadźimy tež zaměrnje a efektiwnje modernu medicinsku techniku. Lěkarska pomoc wobmjezuje so po dorěčenju z wobdźělenymi na trěbnu měru. Jeli je woprawdźe trěbne, smy kmani, spěšnje aktiwni być a najwjetšu wěstosć zawěsćić. Nimo babow, porodowych pomocnikow a dźěćaceho lěkarja je tež stajnje lěkar za narkozu přihotowany, tak zo je wěsty a spěšny operatiwny porod (z pomocu wakuuma, porodowymi klěšćemi abo “cunim wurězanjom dźěsća”) kóždy čas móžne.
Smy hordźi na to, zo je podźěl wurězanjow dźěsća pola nas jasnje pod 25 % a z tym daloko pod němskim přerězkom. Tež při kóncpónojowym połoženju abo samodruhosći z dwójnikomaj podpěrujemy Waše přeće za waginalnym porodom.
