- W našim perinatalnym centrumje zastarujemy samodruhe z problemami a schorjenjemi wěcywustojnje a wobhladniwje (na přikład při krawjenjach, hrožacym paporodźe abo dočasnym porodźe, dočasnym wotewrjenju maćerničneje wotwěry, dočasnych hronach, mylenju jatrowych abo jěrchenkowych funkcijow, chorosćach požiwanja a dr.).
- Nimo modernych naprawow lěkowanja a hladanja nałožujemy tež wudospołnjace lěkowanske naprawy, kaž na přikład akupunkturu, metody hibanja atd.
- Hdyž wočakuja so za čas samodruhosće wosebitosće, wobsteji kóždy čas móžnosć, so dać poradźować wo wotběhu a modalitach poroda.-
- Mamy modernje wuhotowane stwy z dwěmaj łožomaj a jednu swójbnu stwu.
- Naš snědanski a wječerny bifet skići móžnosć, so přidatnje zežiwić z witaminami a bělkom.
- Skićamy integratiwne hladanje njedźelničow z wobšěrnym nawodom staršeju a poradźowanje wo ćěšenju.
- Nimamy předpodate časy za ćěšenje, ćěšić smě a ma so po potrjebje. Podpěrujemy was při wotpowědnych prócowanjach.
- Wot póndźele do pjatka poskićuje fyzioterapeutka gymnastiku za skrućenje muskulatury pónoje a brjucha.
- Lěkarske konsultacije za mać a dźěćo wotměwaja so po potrjebje a su samozrozumliwje kóždy čas móžne.